السلام عليكم يا بنات انا بغيت نفيدكم بواحد الوصفة رائعة للتبييض والترطيب  استعملتها علي يدي ملي ولات ابيض من وجهي صرت استخدمها لوجهي ورقبتي والرائع فيها انها فحال الكريم يمتصه الجسم بسهولة هاد الوصفة غادي تبان نتائجها من بعد اسبوع اوتفكريني ما بغيت منكم والو غير جربوها المهم

مقادير الوصفة

علبة بلاستيك فارغة (باش ديري فيها هاد الكريم)

ملعقة كبيرة ماء ورد

ملعقة كبيرة زيت اللوز الحلو

ملعقة كبيرة نشا (مايزينة)

ملعقة كبيرة نيدو

ملعقة كبيرة سائل الجلسرين(الى مكانش مشي مشكل )

حامضة معصورة

ايوا العنصر المهم والفعال كريم جلسرين (اللي فعلبة حمرا كتلقايه عند مول المكياج ب 25 درهم) هو الي كيخلي هاد العناصر تتجمع اتولي فحال الكريم +تبييض خودي منو

ملعقة كبيرة ونص كاتخلطي هاد العناصر مليح حتى تجانس اتعطيك كريم حطيه في الثلاجة اودهني منو من الليل لليل ملي تبغي تدهنيه ما فيها باس ضيفي علية شوية الحليب سائل ما بغيتش ندخلو مع الخلطة لانو ساهل يفسد اهاد الخلطة غادي تبقى عندك اسبوع المهم دهنيه فالليل او غسلي في الصباح ويلا كنتي جالسة في الداردهنيها حتا بنهار  

ملاحظة الى كنتي غادي تخرجي للشمس الله يخليك دهني واقي الشمس حيت الخلطة فيها الحامض ولكن متخفيش الشتا هادي

انا متاكدة غادي تستفدو من هاد الوصفة كيفما فادتني  الله يجازيكم بالخير دعيو لي بالتيسير فدراستي ولوالدي بالصحة وطول العمر